DITANGKO PANDITA I SENDOK ???
Di sada borngin dung Natal dipio sada keluarga baru ma Pandita mangan tu jabuna.
Rap mangan ma nasida na opat, amanta dht inanta parjabu i rap Pandita i dht inanta i.
Jempek dohonon, dung simpul mangan, masirarion, diskusi ringan, martangiang, mulak ma Pandita i dht inanta i.
Dihobasi inanta i ma meja makan. Alai longang rohana, ala mago sendok makan sada, opat hian gabe tinggal tolu.
Curiga inanta i, didok ma tu amanta i: "Pa, mago sendokta sada, hape huida nangkin ditiop2 Amang Pandita i do. Na laos diboan do huroha"
Dialusi Amanta i ma: "Ah, unang songoni ho, apala sendok ma buaton ni Amang Pandita i?
Songon i ma, gabe peam diroha ni Inanta i, na diboan Pandita i do sendok i.
Dung 4 bulan, toho di Ari Paskah, dipio keluarga i do muse Pandita i mangan tu bagasnasida. Alai holan 3 do diparade sendok. Nunga disengaja inanta i, asa habotoan sendok na binoan ni Pandita i.
Didok Pandita i ma: "buat hamu jo sendok i sadanai Inang".
Dialusi inanta i. Eh...maaf ma jo amang, ai dung na rap mangan na ari Natal i, laos so haidaan sendok i sada. Hape holan i do sendok, beha ma na baru mandasor on Amang, ninna inanta i. (Alai di rohana, ingkon tarboto do na Pandita i manangko sendok i). 😝
Tarsonggot ma Pandita i, laos ninna ma tu inanta i:
"Bah, ai na so dibuat inang dope hape?"
"Ai di Bibelmuna na tapangke borngin i do husolothon, Inang" Buat inang ma jolo Bibel i.
Dibuat Inanta i ma Bibel i sian lamari, toho do disi solot sendok i.
Maila Inanta i, marrara bohina, ai gabe habotoan ma na so hea dibuka Bibel i. 🙊🙊🐵
No comments:
Post a Comment